0
Your Cart
No products in the cart.

የኢትዮጵያ ንግድ ባንክ ለሠራተኞቹ የደንብ ልብስ አቅርቦት ከቻይናው ጂያንግሱ ሰንሻይን ግሩፕ ጋር ተፈራረመ፡፡

የኢትዮጵያ ንግድ ባንክ ለሠራተኞቹ የደንብ ልብስ አቅርቦት ከቻይናው ጂያንግሱ ሰንሻይን ግሩፕ ጋር ተፈራረመ፡፡
===========
ባንኩ ለደንበኞቹ የተሻለ አገልግሎት ለመስጠት ከጀመረው የስትራቴጂያዊ ለውጥ ትግበራ ጋር በተያያዘ ሠራተኞች አንድ ወጥ የደንብ ልብስ እንዲለብሱ ወስኗል፡፡
መጋቢት 29 ቀን 2015 ዓ/ም በአዲሱ ዋና መስሪያ ቤት በተደረገው የባንኩ የሥራ ኃላፊዎች የደንብ ልብስ ርክክብ ስነ ሥርዓት ላይ ጂያንግሱ ሰንሻይን ግሩፕ ለሠራተኞች የደንብ ልብስ ለማቅረብ ተስማምቷል፡፡
በሥነ-ሥርዓቱ ላይ የተገኙትና ከኩባንያው ጋር የተፈራረሙት የኢትዮጵያ ንግድ ባንክ ፕሬዝዳንት አቶ አቤ ሳኖ ጥራት ያለው የደንብ ልብስ ለሠራተኞች እንዲቀርብ የሚያስችል ውይይት ከጂያንግሱ ሰንሻይን ግሩፕ ተወካዮች ጋር አካሂደዋል፡፡
የደንብ ልብስ አቅርቦቱ ባንኩ የደንበኞችን ርካታ ለመጠበቅ ከሚሰራቸው ሥራዎች አንዱ መሆኑን የጠቆሙት አቶ አቤ፣ ባንኩ ከጀመራቸው የለውጥ ተግባራትና በቅርቡ ሥራ ከሚጀምረው ዋናው መ/ቤት አገልግሎቶች ጋር በመሆን ለውጥ እንደሚያመጣ ያላቸውን እምነት ተናግረዋል፡፡
ለደንብ ልብስ አቅርቦቱ ባንኩ ከፍተኛ ወጪ በመመደብ ለአብዛኛው ሠራተኛ ወጪውን የሸፈነ ሲሆን፣ በመካከለኛና ከፍተኛ ደረጃ ላይ የሚገኙ የባንኩ ሠራተኞችና የሥራ ኃላፊዎች ደግሞ የተወሰነ ወጪ ተጋርተው የሚቀርብ መሆኑን አቶ አቤ ገልፀዋል፡፡
የጂያንግሱ ሰንሻይን ግሩፕ በኢትዮጵያ ዋና ሥራ አስኪያጅ ሚ/ር ጋዊ ቻንሁሀ (Mr. Gao Qinghuna) በበኩላቸው የኢትዮጵያ ንግድ ባንክ ሠራተኞች ዩኒፎርም ተቋማቸው በኢትዮጵያ ቅርንጫፉ ከሚሰራቸው አቅርቦቶች ትልቁ መሆኑን ገልፀዋል፡፡
በቻይና ከሚገኙ 500 ታላላቅ ተቋማት አንዱ የሆነውና እ.ኤ.አ በ1986 እንደተቋቋመ የተነገረለት የቻይናው ጂያንግሱ ሰንሻይን ግሩፕ በአዳማ ኢንደስትሪ ዞን ከ2019 ወዲህ ማምረት የጀመረ ሲሆን፣ በአመት 2 ሚሊዮን ሜትር ጥቅል ጨርቅና 3 መቶ ሺህ ሙሉ ልብስ የማምረት አቅም እንዳለው ተገልጿል፡፡

Quick insurance proccess

Talk to an expert